Kirkjan, til hvers er hún?

Þannig gæti spurning frá hluta þingmanna hljóðað, allavega telja þeir sig ekki þurfa á kirkjunni að halda, eða þannig blasti það við mér þegar þeir sáu ekki ástæðu til að vera við Guðsþjónustu fyrir þingsetningu. Ég er nú samt þeirrar skoðunar að tækju þingmenn upp hin Kristnu gildi þá væru þeir betur í stakk búnir til að taka skinsamlega ákvarðanir og rétt á málum, plús það að siðferðið myndi batna sem ekki er vanþörf á.

En þeir telja sig vera sjálfum sér nógir og þurfi ekki á þeirri hjálp að halda sem frá Guði getur komið og stendur hverjum þeim til boða sem einlæglega eftir leiðsögn hans leitar. Allavega tel ég að forsætisráðherra veiti ekki af einhveri hjálp til að sjá hlutina í réttu ljósi og fari að gera sér grein fyrir því að málin þurfa að snúast um annað og meira en umsókn að ESB. Þetta segi ég fyrir það að Jóhanna gekk fram af mér þegar þau orð féllu að þingið gæti farið í frí á meðan nefnd fjallaði um framan greinda umsókn nema ef einhver brýn mál kæmu upp. Er ekkert af slíkum málum við að fást, ég bara spyr, hvað kallast það sem blasir við heimilum og atvinnuvegunum? Mín skoðun er sú að ef þeir sem fara með stjórn landsins eru ekki betur með á nótunum en þetta, þá sé full ástæða til þess að þeir biðji Guð að hjálpa sér. 

Athugasemdir

[Rósa Aðalsteinsdóttir, 21.5.2009 kl. 18:54]

Sæll og blessaður

Mikið er ég sammála þér. Ég vildi óska þess að þingmenn bæðu Guð um visku og vísdóm í stað þess að streða óstuddir. Það var til skammar þegar sumir þingmenn fóru ekki til kirkju fyrir þingsetninguna. Því miður hefur þjóðin verið á hraðri leið frá Guði og kristnum gildum en ég er bjartsýn um breytingar. "Allt samverkar þeim til góðs sem Guð elskar."

Mætti halda að Jóhanna væri með ESB vírus. Það virðist vera brýnasta málið á meðan fólk líður hér vegna bankahrunsins. Atvinnuleysi eykst, fólk þarf í auknu mæli að fá hjálp frá Mæðrastyrksnefnd og Fjölskylduhjálpinni.

Megi almáttugur Guð miskunna okkur

Kær kveðja/Rósa

[Þórólfur Ingvarsson, 22.5.2009 kl. 06:13]

Sæl Rósa og takk fyrir innlitið.

Það er gott að einhverjir eru bjartsýnir og vonandi hefur þú rétt fyrir þér í því að þjóðin muni snúa sér að Guði. Við vitum alla vega að það eru forréttindi að tilheyra honum.

Kær kveðja Þórólfur.